Fíkngenið

Alkóhólið var fundið upp áður en maðurinn var fundinn upp, segir Helgi frændi minn Briem, líffræðingur. Við erum fjórmenningar. Hann veit því hvað hann syngur en að vísu syngur hann ekkert sérstaklega vel. Hann er í Fræbbblunum. Þess vegna sátu apar á barnum og drukku frá sér allt vit frameftir öllum laugardagsmorgnum löngu áður en maðurinn hafði vit á því.

En það gleymdist að minnast á þetta atriði í Biblíunni, enda í mörg horn að líta á þeim bæ. Og þá er ég ekki að tala um Fræbbblana, heldur áfengið og fíkngenið.

Ef fíkngenið væri tekið úr okkur öllum myndu öll hagkerfi heimsins hreinlega hrynja, því þetta gen stjórnar allri fíkn, til dæmis fíkn í áfengi, kynlíf, eiturlyf, sígarettur, skrif hér á Moggablogginu, sjónvarp, fótbolta, útivist, súkkulaði, ferðalög og skemmtanir.

Fíkn getur því birst í ýmsum myndum og við verðum að læra að hafa stjórn á okkar fíknsortum. Maður sem er sólginn í útivist getur líka verið mikill kynlífsunnandi og þetta getur farið ágætlega saman, en náttúrlega farið úr böndunum, eins og dæmin sanna. Og sumir verða að láta útivist alveg eiga sig, sem og áfengi.

Það held ég nú.

Athugasemdir

[Brjánn Guðjónsson, 23.4.2008 kl. 10:39]

ég reyni að forðast alla útivist, sem og alla óþarfa hreyfingu, sem best ég get.

nóg er nú að díla við brennivíns- og bloggfíknina.

[Gulli litli, 23.4.2008 kl. 11:29]

eigum við að detta í ða? Bloggið?

[Lára Hanna Einarsdóttir, 23.4.2008 kl. 11:32]

Breytti ekki Jesú vatni í vín? Það stendur í Biblíunni, minnir mig. Var það kannski óáfengt? 

[Þorsteinn Briem, 23.4.2008 kl. 11:49]

Mogginn veitir fólki aðstoð við að hætta að blogga, Brjánn minn góður. Hann sýnir samfélagslega ábyrgð.

Og Bíbí, vinur minn, dóms- og kirkju-, veitir fólki, sérstaklega vörubílstjórum, aðstoð við að hætta að mótmæla.

Það er óskynsamlegt að hreyfa sig mikið, nema þá í rúminu, það sýna öll íþróttameiðslin.

En Fræbbblarnir voru, og eru, náttúrlega snillingar, allir fyrir einn og einn fyrir alla.

[Linda Linnet Hilmarsdóttir, 23.4.2008 kl. 12:12]

Ég hef aldrei smakkað áfengi,dóp eða hvað þá reykt eina sígarettuástæðan sú er að það á ekki við migen ég vann lengi sem barþjónn á borginni og hótel íslandi og það var æði,það var nóg fyrir mig að hella í liðið

[Þorsteinn Briem, 23.4.2008 kl. 12:40]

Gulli minn litli. Þú ert heppinn að búa í Danmörku. Hér á Klakanum eru allir búnir að vera dauðadrukknir frá því haustið 2004, þegar Thorsararnir voru búnir að kaupa bankana og byrjuðu að lána fólki fyrir brennivínskaupum. Nú er hins vegar komið að skuldadögunum, segja þeir, ekki hægt að drekka endalaust út á krít.

Og einhver þarf að borga fyrir Moggann, Moggabloggið og Hallargarðinn við Tjörnina, sem Thorsararnir endurheimtu nýlega. Þangað fær enginn að koma, nema fuglinn fljúgandi, Thorsarar, Hafsteinar og Briemarar.

Forsetinn okkar blessaður, hann Ólafur Ragnar Grímsson, hringdi í Thorsarana um daginn og spurði si sona:

- Má ég þá koma í Hallargarðinn?

- Ertu kannski garðálfur?

Hvað hefur pöpullinn líka að gera í garðinn, nema þá til að gera í garðinn á Sautjándanum, trampa niður blóm og rífa í typpið á dónakallinum á horninu? Og hvaða vitleysa er þetta að vera að selja fólki pylsur, popp og kók í garðinum á þessum guðsvolaða rigningardegi? "Þetta er óhollusta," segir næringarráðgjafinn, hún Guðrún mín Þóra. Hún kemur bráðum til mín í svörtum kvöldkjól til að læra að skera kjúkling í sneiðar. Hann er hollur og það er holl hreyfing í því. Engin íþróttameiðsl.

[Þorsteinn Briem, 23.4.2008 kl. 12:54]

Þú ert skynsöm stelpa, Linda mín Linnet. En einhver verður að drekka. Það segir sig sjálft. Annars yrðu allir heimsins barþjónar atvinnulausir. En Gulli litli bjargar heiminum. Hann er hetja.

Hjá Moggablogginu fæst nú ritröðin:

Gulli litli í Danmörku

Gulli litli enn í Danmörku

Gulli litli drekkur í Danmörku

Gulli litli drekkur áfram í Danmörku

[Sigurlín Margrét Sigurðardóttir, 23.4.2008 kl. 12:56]

Sæll vertu!

Kvitt!  Bíð spennt eftir næstu færslu ;) kv. sms

[Þorsteinn Briem, 23.4.2008 kl. 13:15]

Lára mín Hanna. Röðin er svona: Guð, vínið, apinn, maðurinn, Jesú, Jens Guð.

Apinn, maðurinn, Jesú og Jens Guð hafa því allir drukkið vínið sem Guð skapaði.

Hver var svona sætur í Sunnudagaskólanum að þú misstir af þessu öllu saman, elskan mín?

[Þorsteinn Briem, 23.4.2008 kl. 13:31]

Velkomin í hóp gáfaða og fallega fólksins, Sigurlín mín Margrét.

Hefurðu heyrt þennan, nýjasta trixið hjá Thorsurunum:

Moggabloggið fæst nú með blindraletri.

Það er peningavit í Thorsættinni. Enda á hún núna Moggann og Moggabloggið. Hins vegar er ekkert vit í þessu Moggabloggi. En fólk hefur mestan áhuga á því sem ekkert vit er í. Þess vegna er mesta vitið í vitleysunni.

[Gulli litli, 23.4.2008 kl. 13:33]

Hikk!

[Þorsteinn Briem, 23.4.2008 kl. 13:40]

Jamm, rétt hjá þér, kusurnar hafa alltaf rétt fyrir sér, Búkolla mín. Og sjaldan mótmæli ég nú kvenkyninu.

[Þorsteinn Briem, 23.4.2008 kl. 13:47]

Skál fyrir því, Gulli minn litli.

Hér sé stuð hjá vörubílstjórum og Hitler.

Aldrei neitt að gerast í Danaveldi eftir að Hamlet var drepinn af vörubílstjóra.

[Jóhanna Magnúsar- og Völudóttir , 23.4.2008 kl. 14:21]

Nói var nú býsna drykkfelldur, örugglega með fyrstu ölkunum .....

[Þorsteinn Briem, 23.4.2008 kl. 14:32]

Rétt hjá þér, Jóhanna mín. QED.

Kvenfólkið veit sínu viti, það verður ekki af því skafið. Þess vegna á það að stjórna landinu. En alltaf eru einhverjir kallar að trana fram sinni vitleysu og taka lán í útlöndum fyrir enn meiri vitleysu. Það er nú meiri langavitleysan. Maður á að spara.

[Guðrún Þóra Hjaltadóttir, 23.4.2008 kl. 14:41]

Hvað með Kára Steini minn !

Hann vinnur baki brotnu við að finna GENIÐ.

Ég fór í blóðprufu fyrir nokkrum árum og hef síðan gegnið í bol merktum Kára klára , enda er mjög mikil fíkn í minni ætt, sem gott væri að geta eytt alla vegana að hluta. Helmingur fíknagensins væri þar alveg nóg held ég.

[Óskar Þorkelsson, 23.4.2008 kl. 14:56]

guðaveigar stendur einhverstaðar... það eina sem kirkjan hefur gert af viti fyrir mig var að gefa mér sopann góða í fermingunni... skál fyrir því.

[Þorsteinn Briem, 23.4.2008 kl. 15:52]

Gefa og gefa, Skari minn. Ætli ég hafi nú ekki borgað fyrir þann "góða fermingarsopa" með sköttunum mínum, alla vega hef ég nú átt eitthvað í honum, þar til þú varst búinn að gleypa hann, heillakallinn minn. Og nú hefur ríkisstjórnin ákveðið að selja fermingarsopann, til að auka kostnaðarvitund almennings, segir Hannes Hólmsteinn.

Bekkjarbróðir minn í Húsabakkaskóla í Svarfaðardal, hann Hjöri á Tjörn, vildi ekki láta ferma sig. Hann var á móti NATÓ og messuvíninu. En það fór illa fyrir honum, því núna er hann aftari helmingurinn af Hundi í óskilum, og eina afrek hans í lífinu er að hafa verið fjórðungurinn af Tjarnarkvartettinum sáluga hinum fyrri.

[Þorsteinn Briem, 23.4.2008 kl. 15:57]

Allar stelpur opna sig alltaf fyrir mér, Hallgerður mín. Það ættir þú nú að vita, gæskan.

[Þorsteinn Briem, 23.4.2008 kl. 16:02]

Konur eru góðar í hófi, þess vegna er svo gaman í partíum, Búkolla mín.

[Þorsteinn Briem, 23.4.2008 kl. 16:20]

Guðrún mín Þóra. Hann Kári kallinn er gráfíkinn, hann er fíkinn í gráfíkjur. Þar að auki er hann genetískur. Það er ekki gott.

Um árið réðist líka á mig vampíra frá honum Kára og henti í mig einhverjum bol í staðinn. Ég trúi því ekki að þú eigir hann ennþá. Þú værir nú ekki sexí í þessum ógislega ljóta bol. Ég held að værir miklu sexíari í engu en honum, svei mér þá.

Þar að auki er Íslendingabók "lokuð vegna viðhalds" og því ekkert að marka þá bók á meðan þeir eru ekki búnir að finna viðhaldið.

[Þorsteinn Briem, 23.4.2008 kl. 16:33]

"Bleikt og blátt hættir núna, því Steini Briem er byrjaður að blogga," segir Guðmundur Arnarson, ritstjóri blaðsins, í viðtali við Fréttablaðrið í dag. "Ég skil ekki hvað stelpurnar sjá við þennan vitleysing."

[Guðrún Þóra Hjaltadóttir, 23.4.2008 kl. 16:36]

Steini minn blessaður karlinn, ég er í láglaunastétt og nýti allt vel. ég fer einstöku sinnum úr bolnum góða. Ég lofa að nota hann ekki í efri hluta svarta klæðnaðarins þegar að deginum kemur....

[Auður H Ingólfsdóttir (IP-tala skráð) 23.4.2008 kl. 17:07]

Þetta eru orðnar allt of háfleygar umræður fyrir mig... En ég er a.m.k. fegin á meðan færslunar eru á tungumáli sem ég skil...(sbr. næsta færsla á undan)...

[Kleópatra Mjöll Guðmundsdóttir (IP-tala skráð) 23.4.2008 kl. 17:12]

fíknigenið er enn ófundið af Kára klára... spurning um verða sjálfboði hjá honum þar sem ég kynni mig sem fíkil nokkrum sinnum í viku... en alla vega óvirkan fíkil á þessu sviði.. virk á öðrum :)

[Ómar Ingi, 23.4.2008 kl. 18:15]

Skál fyrir því

[Þorsteinn Briem, 23.4.2008 kl. 19:00]

Auður mín. Þetta er allt sama steypan, ítalska, latína og enska, og nú íslenska.

difficile - erfitt, difficult

vivere - að lifa, samanber "vivid" (lifandi)

e - og, et (í frönsku)

strada - stræti, street

Þú getur lært ítölsku á einum degi, eftir hádegi, ekki spurning, svona klár stelpa eins og þú, Auður mín. Fallegasta tungumálið sem ég veit um.

[Þorsteinn Briem, 23.4.2008 kl. 19:02]

Ætla í smá spássérítúr á ströndinni núna og svara ykkur hinum á eftir, elskurnar mínar.

[Ester Sveinbjarnardóttir, 23.4.2008 kl. 20:47]

Er það fíkn að spásséra?  Fíkn getur verið hvati til góðs, en má að sjálfsögðu ekki fara úr böndum, líka væri hægt að finna réttan viðmiðunarhóp svo maður líti betur út gagnvart umheiminum í saman borið við þá sem eru jafnvel verri en við, sé það hægt.

[Þorsteinn Briem, 23.4.2008 kl. 21:09]

Spássérifíkn getur svo sannarlega farið úr böndunum, Ester mín.

En fyndist þér nú ekki dáldið dularfullt, ef til væri sérstakt spássérifíkngen?!

Það er bara vitleysa. Þetta er allt sama genið, fíkngenið.

[Þorsteinn Briem, 23.4.2008 kl. 21:18]

Jamm, skál fyrir því, Omminn minn! Á ekki að skella sér í sérsveitina?

[Þorsteinn Briem, 23.4.2008 kl. 21:25]

Jú jú, það er fíkngenið sem sér fyrir því, Búkolla mín. Ekki er það nú eitthvert Dublinargen. Piff!

Jón Valur leiðréttingarpúki gerir hins vegar athugasemd við "fíkngenið" en ekki "Dublinargen". Það verður að senda hann aftur til Kollu. Ekki gengur þessi vitleysa í kallinum.

Hvernig er veðrið í Eyjum núna, Búkolla mín?

[Þorsteinn Briem, 23.4.2008 kl. 21:38]

Við erum öll fíkin í eitthvað, Kleó mín. Annars myndi hagkerfið hrynja, því það lifir á alls kyns fíknsortum fólks úti í bæ, sem það þekkir ekki neitt og myndi ekki einu sinni bjóða í bíó.

Ef fíknin er hins vegar farin að stjórna okkur, til dæmis súkkulaðifíkn, verðum við hins vegar að ná stjórn á henni, eða láta súkkulaðið alveg eiga sig.

Hins vegar stjórnar þú súkkulaðinu en súkkulaðið ekki þér, so far anyways, og til lukku með það!

Þú ert stelpa með bein í nefinu Kleó mín. Ja, kannski ekki í nefinu, en þú ert alla vega með bein. Það held ég nú.

[Þorsteinn Briem, 23.4.2008 kl. 21:52]

Briemsættin er hrifin af nýtnum dömum, Guðrún mín Þóra, ef treysta má því sem þú segir að þú nýtir allt vel.

Ég þóttist líka vita að þú færir stundum úr þessum blessaða bol, sem Kári gaf þér um árið, og mér líst vel á að þú verðir ekki í honum þegar þú kemur til mín, elskan mín.

[Þorsteinn Briem, 23.4.2008 kl. 22:06]

Ég er nú ekki alveg lens (þurrausinn) með það hvað lens er, Búkolla mín. Lens merkir byr, sumsé siglingu undan vindi.

Til er hér sparisjóðurinn Byr og að sjálfsögðu hefði hann átt að heita Lens.

Ég var eitt sinn á togara frá Akureyri, og línu- og netabátum frá Grindavík.

Auk þess skrifaði ég um sjávarútveg í Moggann í mörg ár og gaf þar út sérblað um þau mál, Úr Verinu, við annan mann.

[Þorsteinn Briem, 23.4.2008 kl. 22:21]

Ég er ekki undrabarn fyrir ekki neitt, Búkolla mín. Blink blink!

En þú ert undrakýr og ekki er það nú síðra.

En hann Jón Valur leiðréttingarpúki kannast ekkert við undrakýr og hann er alltaf jafn undrandi, kallgreyið.

[Sigurlín Margrét Sigurðardóttir, 24.4.2008 kl. 00:31]

Já, Steini minn Briem... allt er tæknilega hægt, bíð spennt eftir að bloggin fara að streyma á táknmáli..

[Gulli litli, 24.4.2008 kl. 01:21]

Gulli litli fer í medferd selst samt örugglega best!

[Fríða Eyland, 24.4.2008 kl. 02:22]

 Já, það selst ekkert Gulli litli í Danmörku eitt og tvö Steini en þetta er leiðin að sannleikanum

Gulli litli í Danmörku vs Gulli litli fer í meðferð...verður metsölubók

Gulli litli enn í Danmörk vs Gulli litli fer í eftirmeðferð. metsölubók þýdd á 14 tungumál 

Gulli litli drekkur í Danmörku vs Gulli litli fallinn. ekkert rit getur státað af annarri eins sölu, bókin fær uppreisn æru á alþjóðavettvang. Gulli fær friðarverðlaun útum kvippinn og kvappinn....VV

Gulli litli drekkur áfram í Danmörku vs Gulli litli finnur fíkngenið. í samfloti með Kára og Steina B, finnur Gulli genið sem allir hafa viljað losna við innanúr sér, Kári finnur leiðina til að einangra og losna við það, Gulli með fjármagnið og Steini með hugvitið, þetta er borðleggjandi

[Gulli litli, 24.4.2008 kl. 02:33]

Ég verð bæði fullur og ríkur,,,,,,,frábært!

[Fríða Eyland, 24.4.2008 kl. 02:54]

Hvað annað Gulli

[Þorsteinn Briem, 24.4.2008 kl. 13:20]

Maður má ekki vera of fíkinn og heldur ekki of gráðugur, þetta helst allt í hendur, Ólafur minn Skorrdal.

[Þorsteinn Briem, 24.4.2008 kl. 14:42]

Nú smelli ég bara á Lestu þetta hér uppi á barnum, fer í gott bað með rauðvín og kertaljós, og hún Ragga mín les fyrir mig dreymandi og sexí það sem þú hefur skrifað hér handa mér. Mér og aðeins mér, Sigurlín mín Margrét.

En ég geri nú ráð fyrir að þú viljir frekar snertingu en upplestur.

http://www.hexia.net

[Þorsteinn Briem, 24.4.2008 kl. 16:23]

Ég legg til að þið leggið á djúpið saman, Fríða og Gulli litli. Það verða greinilega mikil uppgrip hjá ykkur í þessari útgáfustarfsemi allri. Ekki spurning.