Steini Briem

3.5.2008 | 00:58

Hótel Valhöll

Best er að vera meðreiðarsveinn á Hótel Valhöll á Þingvöllum á sólríkum sumarmorgni, taka drifhvíta sængina varlega ofan af bakinu á dömunni í mjúku tvíbreiðu rúminu, vekja hana blíðlega með kossi á vangann og taka hana síðan aftanfrá, þannig að þrösturinn í glugganum hugsi sem svo: "Þetta hefði mér aldrei dottið í hug en auðvitað á að gera þetta svona!"

Stjórnmál og samfélag | Breytt s.d. kl. 01:04 | Slóð | Facebook

1.5.2008 | 19:36

Breaking news: Sigurður Kári er af fátæku fólki kominn

Sigurður Kári Kristjánsson, þingmaður Sjálfstæðisflokksins, tilkynnti í ræðustól Alþingis í gær, væntanlega í tilefni af 1. maí, að hann sé af fátæku fólki kominn.

Við þessi tíðindi gerðist eftirfarandi:

Væntingavísitala Gallup hækkaði um 5%.

Heimsmarkaðsverð á olíu lækkaði um 10%.

Gengi íslensku krónunnar hækkaði um 7%.

Stjórnmál og samfélag | Breytt s.d. kl. 19:39 | Slóð | Facebook

1.5.2008 | 19:23

Mjúki maðurinn

Ef jafnrétti hefði verið staðreynd árið 1912 hefðu þá kallarnir verið fyrstir í bátana með börnin og allar konurnar látnar fara niður með Titanic?

Stjórnmál og samfélag | Slóð | Facebook

1.5.2008 | 17:18

Mbl.is

Á emmbéeddl punktur is gengur lífið sinn gang,
og geysilangur er þar nú daglega slúðurhalinn.
Hann Dagbjartur múraði færðist of mikið í fang,
um fimmleytið Britney spíran endanlega galin.

Og bankarnir græða og bankarnir tapa á víxl,
og bankarnir lána þó enginn skuld sína borgi.
Laugavegurinn málglaður og svika mikil brigsl,
en Mogginn fæst nú ekki lengur á Lækjartorgi.

Stjórnmál og samfélag | Slóð | Facebook

30.4.2008 | 21:23

Sparslað í sprungurnar

Spúsur gamlar sparsla,
í sprungur fyrir karlana,
fjandi góð sú forvarsla,
og forherðir líka jarlana.

Stjórnmál og samfélag | Slóð | Facebook

25.4.2008 | 23:08

Farinn í bloggfrí

Maður verður að hafa stjórn á sínum fíknsortum. Kíki því ekki hér á bloggið í nokkrar vikur.

Nú taka aðrar fíknsortir við.

Og takk kærlega fyrir samveruna í bili. Hún hefur verið mjög fróðleg og skemmtileg, og ég hef kynnst hér hálfum öðrum hellingi af góðu fólki.

Farið varlega í eggjakaupunum.

Verðið hefur hækkað.

Maður á að spara.

Stjórnmál og samfélag | Slóð | Facebook

25.4.2008 | 12:38

Iðnaðarmenn

Ég þekki stelpu sem svaf hjá iðnaðarmanni fyrir þremur árum og hann er enn "alveg að koma".

Stjórnmál og samfélag | Slóð | Facebook

25.4.2008 | 09:43

Dramatíkin

Drama er fyrir dáldið tík,
sú dama er nú engri lík,
í Englalandi orðin er rík,
en auðmjúk í Reykjavík.

Hannes Hólmsteinn Gissurarson, prófessor í stjórnmálafræði í FÉLAGSVÍSINDADEILD Háskóla Íslands:

"Ég held að nýir tímar [svo!] í akademískum rannsóknum krefjist miklu nákvæmari tilvísana og meiri virðingar fyrir textum annarra en var á þessu fyrsta bindi míns verks [sem kom út árið 2003]. Ég lærði af þeim mistökum og breytti vinnubrögðum mínum í öðru og þriðja bindi."

http://hannesgi.blog.is/blog/hannesgi/entry/497064/ - "Viðtal í 24 stundum", birt 5.4.2008, kl. 16.53

Gagnfræðakver handa háskólanemum eftir Friðrik H(elga) Jónsson og Sigurð J(úlíus) Grétarsson, prófessora í FÉLAGSVÍSINDADEILD Háskóla Íslands, gefið út fjórum sinnum á árunum 1992 til 2007 og notað í allri háskólakennslu hérlendis:

"Í kverinu er að finna ýmislegt sem háskólakennarar ætlast til að stúdentar kunni, ýmislegt sem getur skipt sköpum í námi en er þó sjaldan beinlínis kennt. Fjallað er um námstækni og vinnubrögð í háskóla, skipulag og frágang námsritgerða, heimildaleit, tilvísunarreglur og heimildaskrár, orðanotkun, þýðingar á erlendu efni, uppsetningu taflna og fleira sem huga þarf að í rannsóknum og námi."

Gæsaglappa,
gerði skot,
þurs í þrot,
lappabrot,
hólmsins grjóta,
veggja ljóta,
krot,
nú tárin vot,
karli vísa á í kot,
eins og skot.

http://hehau.blog.is/album/Bloggmyndir/image/178072/

http://www.youtube.com/watch?v=jHPOzQzk9Qo

Stjórnmál og samfélag | Breytt s.d. kl. 10:57 | Slóð | Facebook

25.4.2008 | 09:41

Hannes Hólmsteinn

REGLUR FYRIR HÁSKÓLA ÍSLANDS nr. 458/2000, GILDISTAKA 28. JÚNÍ 2000:

53. grein, Kennsla og kennsluhættir:

"Stúdentum er algerlega óheimilt að nýta sér hugverk annarra í ritgerðum og verkefnum, nema heimilda sé getið í samræmi við viðurkennd fræðileg vinnubrögð."

"[Ofangreint ákvæði] þótti rétt að setja inn í ljósi reynslunnar þrátt fyrir að vitaskuld sé um sjálfsagðan hlut að ræða, að stúdentum ber að virða höfundarétt að hugverkum, sbr. ákvæði höfundalaga nr. 73/1972, og myndi það gilda án þessa ákvæðis í reglunum.

Þrátt fyrir að samþykkis rétthafa sé aflað er stúdent ekki heimilt að nýta sér hugverk annarra til að standa skil á verkefnavinnu. Hins vegar er eðli málsins samkvæmt heimilt að vitna til hugverka í samræmi við fræðileg vinnubrögð, sbr. einnig 14. gr. höfundalaga. Verði kennari var við að stúdent hafi gerst brotlegur að þessu leyti gilda ákvæði 50. gr. þessara reglna um málsmeðferð."

50. grein, Agaviðurlög:

"Rektor getur veitt stúdent áminningu eða vikið honum úr háskólanum um tiltekinn tíma eða að fullu, ef hann hefur gerst sekur um brot á lögum eða öðrum reglum háskólans eða framkoma hans gagnvart starfsmönnum háskólans eða öðrum stúdentum er ósæmileg eða óhæfileg. Áður en ákvörðun um brottrekstur er tekin skal leita umsagnar háskóladeildar og gefa stúdent kost á að tjá sig um málið.

Stúdent er heimilt að skjóta ákvörðun rektors til áfrýjunarnefndar samkvæmt lögum um háskóla. Málskot frestar framkvæmd ákvörðunar rektors. Rektor getur að hæfilegum tíma liðnum heimilað stúdent sem vikið hefur verið að fullu úr skóla að skrá sig aftur til náms í háskólanum ef aðstæður hafa breyst. Stúdent er heimilt að skjóta synjun rektors um skráningu til áfrýjunarnefndar í kærumálum háskólanema."

http://www2.hi.is/page/reglurHI#53

Höfundalög, nr. 73/1972:

1. gr. Höfundur að bókmenntaverki eða listaverki á eignarrétt á því með þeim takmörkunum, sem í lögum þessum greinir.

3. gr. Höfundur hefur einkarétt til að gera eintök af verki sínu og til að birta það í upphaflegri mynd eða breyttri, í þýðingu og öðrum aðlögunum.

11. gr. Heimilt er einstaklingum að gera eintök af birtu verki til einkanota eingöngu, enda sé það ekki gert í fjárhagslegum tilgangi. Ekki má nota slík eintök í neinu öðru skyni.

14. gr. Heimil er tilvitnun í birt bókmenntaverk, þar á meðal leiksviðsverk, svo og birt kvikmyndaverk og tónverk, ef hún er gerð í sambandi við gagnrýni, vísindi, almenna kynningu eða í öðrum viðurkenndum tilgangi, enda sé hún gerð innan hæfilegra marka og rétt með efni farið.

43. gr. Höfundaréttur helst uns 70 ár eru liðin frá næstu áramótum eftir lát höfundar.

54. gr. Fyrir brot á lögum þessum skal því aðeins refsa, að þau séu framin af ásetningi eða stórfelldu gáleysi.

Stjórnmál og samfélag | Slóð | Facebook

25.4.2008 | 09:20